SIMULIZI YA MAFANIKIO YA MWANAFUNZI BORA  KITAIFA   2018

1.Tuelezee kwa kifupi Hope ni mtu wa aina gani?

Hope ni kijana mwenye maono na ndoto, mpambanaji na asiyechoka kufanya chochote kufikia malengo yake. Anapenda kusoma vitabu, kujadili stori za maisha na vijana wenzake,pia kutengeneza marafiki wapya. Anapenda kujichanganya na watu, japo itategemea sana ni watu wa aina gani. Bila kusahau kusaidia watu pale wanapohitaji msaada wake, kwani naamini tunakua kwa kusaidia watu wengine.

2.Wewe, ulikua  mwanafunzi wa kwanza kitaifa 2018, Tuelezee unahisi nini hasa kilikufanya ufanikiwe.

 Jambo la kwanza ni Kumuomba Mungu. Nilikuwa nasali kabla na baada ya kusoma, Nilikua nina kauli mbiu yangu ambayo ni “2018SaliZaidi”. Nilikua nasali sana nitimize ndoto zangu, pia kuwa na maono. Nakumbuka kuanzia kidato cha pili nlikuwa naona nipo miongoni mwa wanafunzi bora kitaifa. Hivyo kila siku nilikuwa napambana kutimiza ndoto zangu. Bila kusahau kuheshimu ratiba nliyokuwa nimejiwekea, kwani niliamini ndio itanifanya nitimize malengo yangu ya siku. Pia kutokukata tamaa pamoja na changamoto zote nilizokutana nazo, Nakumbuka nilivoanza kidato cha kwanza, safari haikuwa rahisi, lugha ya kiingereza ilikua changamoto kubwa sana kwangu kwani nimetoka shule iliyokuwa inatumia lugha ya kiswahili kama lugha ya kujifunzia. Lakini sikukata tamaa, Nilihakikisha nakabiliana na changamoto hii kwa kusoma Vitabu vingi vya kiingereza na grammar, pia nikatengeneza urafiki na wanafunzi wenzangu ambao wako vizuri kwenye lugha ya kiingereza na kuwasihi waongee na mimi kwa lugha ya Kiingereza tu tukiwa tunawasiliana. Baada ya kukabiliana na hio changamoto ya lugha, changamoto nyengine zilikua ni kutokuelewa topic, ambapo nilihakikisha naomba Wanafunzi wenzangu wa vidato vya juu kunifundisha pia kufanya mazoezi zaidi kuhusu hio topic ili kuhakikisha naielewa vizuri zaidi kwani Wanasema “Practice makes Perfect”!.

3.Watu husema shule za Serikali hazina walimu bora na hazifaulishi, Kwa maoni yako, nini suluhisho kwa hii changamoto?

Kiukweli shule za serikali zina changamoto zake, labda kutokana na idadi ya wanafunzi waliopo na uhaba wa vitendea kazi. Lakini pia, kuna faida kusoma shule za serikali, na serikali inapambana kutimiza malengo yake ya kufanya mahitaji muhimu kwa wanafunzi kama maabara, vitabu n.k yanapatikana kwa urahisi.

Nadhani ufaulu ungeongezeka kwa kiasi chake, lakini jambo la muhimu ni kuongeza idadi ya shule ili kupunguza msongamano wa wanafunzi ndani ya darasa moja, hii itasaidia uelewa wa masomo kuwa mkubwa, na hii itapelekea ufaulu kuongezeka, pia wazazi na zile familia masikini watakuwa na uwezo wa kusoma bila vikwazo, kwa kifupi ufaulu utaongeza kwa kiwango cha kuridhisha.

4. Kuna watu wanasema hakuna umuhimu wa kufaulu sana, Kwan maisha hayaikisi Elimu ya darasani hata kidogo? Nini mtazamo wako juu ya hili?

Ni ukweli usiopingika kuwa elimu hufungua akili za watu na kufanya waone mambo kwa mapana zaidi. Suala la elimu kutoakisi maisha ya mtaani bado lina ukakasi. Hii inategemea na mtu anatumia vipi elimu aliyopata. Nadhani kuwa tayari kuendelea kujifunza mambo mapya na kutumia ujuzi na maarifa aliyopata darasani, ni silaha mojawapo kushinda maisha. Sio lazima uajiriwe, uwezo wako wa kujifunza ujasiriamali na kujihusisha na wale uliosoma nao, unaweza kukufanya ufanikiwe katika maisha yako.

5. Baada ya kuwa wa kwanza kitaifa, Jamii inakuona una kipawa cha kuleta mabadiliko katika nyanja mbalimbali, Una mawazo gani juu ya hili?

Kama kijana ninayependa kusaidia wanajamii wenzangu, naona nina deni. Lakini pia ninafuraha, kwani hali hii inanipa hamasa ya kupambana zaidi na zaidi kutimiza malengo yangu, na mwisho niweze kusaidia jamii yangu.

6.Watu gani ni role models wako (unaowaangalia ili uwe na maisha bora) , na mpaka sasa wana hamasa gani katika maisha ya Hope?

Naweza kusema nina role models wengi, hawa ni watu ambao wamenisaidia kunifikisha hapa nilipo leo, lakini pia kuna hao ambao nimekuwa nikisoma stori zao na kutamani kuwa kama wao. Kwanza, familia yangu, hawa ni role models wangu, nimejifunza mengi kutoka kwao, kwa kifupi, role model ni mtu ambae nakutana nae na ananipa namna fulani ya kuishi na watu( mtazamo wangu ), hivyo kila mtu nliyekutana nae ni role model wangu kwani kanifundisha kitu tofauti na wengine. Nje ya mipaka, Dr Ben Carson ndio role model wangu, nimekuwa nikisoma vitabu vyake, kusikiliza speeches zake, na kumfwatilia , imenisaidia kunipa motisha ya kuwa na mimi nitafikia level zake na kwenda mbali zaidi.

7.Njia gani ulizozitumia kusoma, ambazo zilikusaidia kufaulu bila kusoma kwa muda mrefu ila kwa umakini mkubwa.

Kuwa na ratiba na kuifuta, yaani kuwa mtumwa wa ratiba yako. Nadhan hili ndo jambo kubwa nlilokuwa nafanya na ninalofanya. Linanisaidia kufanya mambo mengi kwa usahihi na pengine kufanya vizuri darasani. Pia kuuliza na kuomba msaada kwa watu hasa wa madarasa ya juu kulinifanya kumaliza topics mapema sana na kupata muda mrefu wa kufanya maswali na past exams. Kuna muda unafeli na kushindwa kufikia malengo yako na hii hutokea mara nyingi sana tuu, nadhan jambo la msingi ni kutulia na kujiuliza unapokosea, kuinuka tena na kuanza upya.

8.Una ushauri gani kwa Serikali juu ya mfumo wa elimu uliopo?

Jambo kubwa ni kuongeza vitendea kazi kama vitabu, maabara, walimu hasa wa science, hii itasaidia utoaji wa elimu kwa urahisi na kuongeza ufaulu.

9.Una ushauri gani kwa wanafunzi juu ya kufaulu kimasomo

Kuzingatia lengo la wao kuwa shule, na kuhakikisha wanatimiza ndoto zao. Sio rahisi kiivo lakini inawezekana. Cha msingi ni kuomba Mungu, kujitoa na kupambana hadi mwisho……ALUTA CONTINUA, VITO’RIA E’ CERTA……